Terradas per Thun ed YB

En il gieu da qualificaziun per l'Europa League ha il club da ballape da Thun pers ordaifer cunter Sparta Prag cun 1:3 ed YB ha pers a chasa cunter Karabach Agdam cun 0:1.

Dus giugaders da ballape en acziun. Bild in Lightbox öffnen.

Legenda da maletgs: Nicola Sutter (en nair) ha sajettà il sulet gol per il FC Thun. Keystone

Il gieu aveva cumenzà bain per Thun. Gia suenter 5 minutas ha Nicola Sutter sajettà l'1:0 per ils Bernais, ma ils Tschecs han pudì volver il gieu cun ina dubletta curt avant pausa.

En la 94avla minuta ha Dockal procurà per il resultat final da 3:1 per Prag.

YB cun terrada a chasa

En l'auter gieu da qualificaziun per l'Europa League han ils Young Boys da Berna pers a chasa cunter Karabach Agdam cun 0:1.

RR novitads 22.00