Terradas per YB e Lugano

Ils Young Boys ha cassà l'emprima terrada en la stagiun actuala da la Europa League. A chasa han ils Bernais pers cun 0:1 cunter Dynamo Kiev. Bujalski ha sajettà il gol decisiv en la 70. minuta.

ballapedists stattan sin il plaz, els èn trumpads perquai ch'els han pers Bild in Lightbox öffnen.

Legenda da maletgs: La trumpada è gronda tar ils ballapedists da Young Boys. Keystone

En spezial en l'emprima mesadad ha YB dominà e gì pliras bunas pussaivladads. Suenter 16 minutas ha Nsame gì discletg cu el ha tutgà la pitga. En la segunda mesadad ha Sulejmani medemamain tutgà la pitga cun in culp liber indirect.

Perquai che Partizan Belgrad ha gudagnà cunter Skenderbeu cun 2:0 è YB ussa sin posiziun trais en la tabella da la gruppa B. Kiew perencunter è già segir en la fasa da KO.

Er Lugano perda

En la gruppa G, la gruppa da Lugano, è il club tessinais er crudà giu sin posiziun trais en la tabella, davos Pilsen. Avant duas emnas ha l'equipa da Pierluigi Tami anc gudagnà a chasa cunter Viktoria Pilsen cun 3:2. Ordaifer ha Lugano fatg memia blers sbagls e la finala pers cleramain cun 1:4.

RR novitads 21:00