Sco emprim club da ballape insumma èsi gartegià al FC Sevilla da gudagnar la «Europa League» 3 giadas en seria. En total èsi la 5avla giada che Sevilla gudogna la liga europeana.
Ils Spagnols han battì Liverpool cun 3:1 en il Sankt Jakob-Park a Basilea. Fin la pausa manavan ils Englais anc cun 1:0. Mo 17 secundas suenter il cumenzament da la segunda mesadad ha Sevilla pudì egualisar la partida. En la 64avla minuta è lura crudà il segund gol e curt suenter il terz.
RR novitads 23:00