Naziunal/Internaziunal - Terza medaglia d'aur per Hug
Terz titel da campiun europeic per Marcel Hug a Berlin. Per la fin dal campiunadi europeic d'atletica leva da las sportistas e sportists cun impediment ha Hug gudagnà la cursa sur 1'500 meters. Campiun europeic è Hug er sur 800 e 5'000 meters.
Alexandra Helbling ha gudagnà cun argient sur 800 meters sia tschintgavla medaglia (ina giada aur, trais giadas argient, ina giada bronz) en la sisavla concurrenza.
En total ha la Svizra gudagnà 23 medaglias (8/4/10) al para-campiunadi europeic d'atletica leva. Uschia ha l'equipa Svizra surpassà las spetgas. Il schef d'equipa, Andreas Heiniger aveva pretendì 10 medaglias.
