Trais Svizras èn top 15
Meglra Svizra è Wendy Holdener sin il 7avel plaz. Cun in tal resultat cumenzia ella gugent la stagiun, ha Holdener ditg envers SRF. Durant la cursa n'haja el betg gì in bun sentiment e pensà ch'ella saja ida ina schletta lingia. In meglier resultat ha Holdener pir cuntanschì duas giadas en quella disciplina: Tar l'emprima cursa da la stagiun da l'onn passà è ella vegnida 6avla ed il schaner 2018 a Kranjska Gora quarta.
Lara Gut è vegnida 14avla. Ella ha pers en il segund percurs quatter plazs. Gisin ha cuntanschì il 15avel plaz ed uschia pudì mantegnair sia posiziun suenter l'emprim percurs. Gisin ha cunquai cuntanschì oz ses meglier resultat en il slalom gigant.
Podest
- Tessa Worley (Frontscha) 2:00,51
- Federica Brignone (Italia) +0,35
- Mikaela Shiffrin (America) +0,94
Meglras Svizras
- 7avla Wendy Holdener +2,31
- 14avla Lara Gut +3,48
- 15avla Michelle Gisin +3,60
Malgrà naiv, plievgia e ferm vent han las skiunzas pudì far la cursa sin in tschancun scursanì. Damaun cumenza la cuppa mundiala dals umens. Tenor ils meteorologs pudessi però suflar damaun pli fitg che oz.
RR novitads 14:00