Siglir tar il cuntegn

Header

Il trenader da l'equipa naziunala svizra Vladimir Petkovic.
Legenda: Explicaziuns dal trenader da l'equipa naziunala svizra Vladimir Petkovic durant la conferenza da medias ils 18 da schaner 2016. Keystone
cuntegn

Naziunal/Internaziunal Test encunter il numer 1 dal mund

La Belgia e la Moldavia èn ils ultims 2 adversaris da l'equipa naziunala svizra da ballape avant l'EURO 2016.

Sonda, ils 28 da matg dat la Svizra a Genevra encunter la Belgia, ch'è actualmain il numer 1 da la glista mundiala da ballape. E venderdis, ils 3 da zercladur è lura l'ultim test a Lugano encunter la Moldavia.

En la stretga patria dal trenader naziunal

Lugano è era il lieu nua che l'equipa da Vladimir Petkovic ha ses camp da trenament per sa preparar sin l'EURO en Frantscha. Petkovic ha pia tscharnì sia stretga patria per quai camp. Il trenader da la naziunala svizra viva gia dapi varga 20 onns en il Tessin. Igl é gia la segunda giada che la Svizra ha in camp da trenament pli lung a Lugano. L'onn 2008, cura che l'EURO è stada en la Svizra ed en l'Austria, è la Svizra sa preparada a Lugano sin quai turnier. Lura era Köbi Kuhn anc trenader naziunal svizzer.

Da Lugano a Montpellier

Suenter il camp da trenament a Lugano ed ils 2 gieus da test encunter la Belgia e la Moldavia, parta l'equipa svizra vers Montpellier. Là e l'equipa svizra da chasa durant il campiunadi d'Europa. Adversaris en ils gieus da gruppa èn l'Albania, la Rumenia e la Frantscha.

Artitgels legids il pli savens

Scrollar a sanestra Scrollar a dretga