Siglir tar il cuntegn

Header

La passlungista Therese Johaug
Legenda: Therese Johaug è stada fitg agitada, cura ch’il resultat da doping positiv è vegnì annunzià. Keystone
cuntegn

Naziunal/Internaziunal Therese Johaug è serrada provisoricamain

L'agentura anti-doping da la Norvegia ha serrà la passlungista Therese Johaug il prim ina giada per dus mais. Entaifer quest temp quint'ins cun in resultat exact da las examinaziuns davart il surpassament da Johaug.

L'agentura anti-doping accentuescha ch'ella n'haja cun quest agir betg prendì posiziun per ina eventuala bloccada pli lunga. Ina controlla mez settember aveva mussà si tar Johaug il steroid anabol "Clostebol".

Damai che Therese Johaug è uschia serrada fin ils 18 da december, manchenta ella las emprimas cursas da la cuppa mundiala la fin da november en la Finlanda. Vinavant na dastga Johaug betg sa participar als trenaments uffizials da la Federaziun da skis norvegiaisa.

RR novitads 14:00