Sin l'etappa collinusa da 31 kilometers è el be stà 14 secundas pli plauns ch'il victur da l'etappa Tom Dumoulin. En il classament general maina Thomas cun 1:51 minutas avantatg avant Dumoulin. Chris Froome, ch'è vegnì oz segund, è en il classament general ina secunda suenter Dumoulin.
Classament general suenter 20avla etappa
- 1. Geraint Thomas
- 2. Tom Dumoulin +1:51 minutas
- 3. Chris Froome +1:52 minutas
Davosa e 21avla etappa
Suenter pli che trais emnas cuntanschan ils profis da velo da la Tour de France la Champs-Élysées a Paris. La 21avla etappa da dumengia stat en il center dal victur dal Tour de France, Geraint Thomas, che na vegn tradiziunalmain betg pli attatgà e che po uschia giudair l'etappa da triumf tochen al boulevard da la chapitala franzosa. Tar la davosa etappa sin il tschancun da Houilles a Paris vai be pli per il victur dal di. Per il solit datti in spurt da massa.
RR novitads 18:00