Siglir tar il cuntegn
cuntegn

Naziunal/Internaziunal Timea Bacsinszky vinavant, Stan Wawrinka out a Melbourne

Timea Bacsinszky è sa qualifitgada per la terza runda da l’Australian Open. Però è il turnier a fin per Stan Wawrinka.

Timea Bacsinszky è sa qualifitgada per la terza runda da l’Australian Open. La giugadra da tennis svizra ha gudagnà la partida encunter la qualifitganta russa Natalia Wichljanzewa. Quai en dus sets cun 6:2, 7:5.

Tar il stan da 6:5 en il segund set ha la partida stuì vegnir interrutta per passa in'ura pervia da la plievgia. Bacsinszky sa qualifitgescha uschia per la segunda giada suenter il 2015 la terza runda dal turnier da Grand Slam a Melbourne.

Sin Bacsinszky spetga uss u la Spagnola Garbiñe Muguruza u la Brita Johanna Konta.

Stan Wawrinka out

L'Australian Open è dentant a fin per Stan Wawrinka suenter la segunda runda. Il Svizzer da 33 onns ha pers il duel plain tensiun cunter il Canadais Milos Raonic en quatter sets cun 7:6, 6:7, 6:7, 6:7. La partida ha cuzzà bunamain quatter uras.

RR novitads 07:00+