Naziunal/Internaziunal - Timo Meier tratg sco 9avel en il draft da la NHL
Il giuven giugader da hockey svizzer Timo Meier è vegnì tratg gia sco 9avel tar ils drafts da la liga americana NHL. Acquirì ils dretgs dal giugader da 18 onns han ils San Jose Sharks da la California.
Timo Meier è l'otgavel giugader svizzer ch'è vegnì resguardà en l'emprima runda dals drafts. Dentant mo in è vegnì elegì anc pli baud, numnadamain il Grischun Nino Niederreiter sco 5avel.
Che Timo Meier è vegnì tratg uschè baud mussa tge potenzial ch’el ha. Meier è in giugader sumegliant sco Niederrreiter, grond e ferm ed in sang fraid avant il gol.
