Siglir tar il cuntegn

Header

Navigaziun

cuntegn

Töff Lüthi cupitgà gia baud - 0 puncts

Per il pilot da Moto2 svizzer Tom Lüthi è il Grond Premi da la Tschechia a Brünn ì a fin cun ina trumpada. Per la segunda giada questa stagiun è il Bernais crudà ora suenter ina cupitgada en la quarta da 19 rundas.

Gudagnà la cursa ha il Spagnol Alex Marquez che po uschia augmentar ses avantatg en il classament dal campiunadi mundial. Suenter la 10avla da 19 cursas maina Marquez cun 33 puncts avant Lüthi. Il Svizzer da sia vart ha anc in avantatg da 18 puncts sin Augusto Fernandez e Jorge Navarro.

Ina trumpada è la cursa er stada per Dominique Aegerter. L'ulteriur svizzer ha sco 21avel manchentà ina plazza da puncts per radund 10 secundas.

RR novitads 14:00