Siglir tar il cuntegn

Header

cuntegn

Naziunal/Internaziunal Tom Lühti triumfescha en la plievgia

Tom Lüthi ha gudagnà a moda spectaculara il Grond Premi da la Tschechia a Brünn en la categoria Moto2. En il qualifying dad ier era el vegnì mo 12avel.

Il pilot da töf svizzer Tom Lüthi ha gudagnà il Grond Premi da la Tschechia a Brünn e festivà sia emprima victoria en quella stagiun en la classa da Moto2. Lüthi ch'è partì mo da la posiziun 12 ha triumfà cun in avantatg da bunamain 5 secundas avant il Spagnol Alex Marquez ed il Portugais Miguel Oliveira.

Interrut cursa pervi da la plievgia

La cursa a Brünn ha suenter 8 rundas stuì vegnir interrutta pervia da la plievgia. Lura hai dà ina nova partenza da la quala Lüthi è lura partì da la posiziun 7. Mo gia suenter l'emprima storta era Lüthi a la testa e ha laschà nagina schanza als concurrents.

Ulteriurs svizzers n'han betg persvadì

Betg persvadì han percunter ils ulteriurs svizzers en quella classa da Moto2. Dominique Aegerter ha gì problems cun sia maschina e stuì terminar la cursa pli baud, Jesko Raffin è vegnì mo 29avel.

RR novitads 14:00

Artitgels legids il pli savens