Siglir tar il cuntegn
Inhalt

Naziunal/Internaziunal Tom Lüthi meglier Svizzer

Al Grond Premi da l'Aragonia ha Tom Lüthi cuntanschì plazza 5 en la cursa da moto 2. Il campiun mundials da 125ccm dal 2005 ha pers 16,723 secundas sin il victur, il Spagnol Tito Rabat. Segund è il Spagnol Alex Rins e terz il Brit Sam Lowes.

Tom Lühti durant la cursa en la Spagna
Legenda: Tom Lüthi è stà il meglier Svizzer al GP d'Aragonia. Keystone

Cletg en il discletg ha gì il pilot svizzer Dominique Aegerter. En la terza runda ha il Belgiais Xavier Simeon «sajettà» giu Aegerter. Lez hai sdarmenà en la glera ed el è stà per muments senza schientscha. La direcziun da la cursa ha decidì da rumper giu la cursa e da cumenzar ella danov, dentant sulet cun 14 rundas.

Aegerter è vegnì transportà immediat en l'ospital da la cursa. El è spertamain puspè vegnì tar sasez ed è vegnì examinà. El ha gia bandunà l'ospital.

RR novitads 14:00