Il Tour de France ha carmalà millis e millis da fans a Berna. Sulet en la citad han persequità a l’ur da la via passa 100’000 fans co il Slovac Peter Sagan ha triumfà en la 16avla etappa cun arrivada dasper il Stade de Suisse.
Betg sulet a l’ur da la via glieud tut a dubel, er las ustarias èn emplenidas fin il davos plaz. Chattar in plaz sin ina terrassa è strusch pussibel, oravant tut betg enturn la plazza federala nua ch’i regia durant trais dis ina gronda festa da velo.
In grond victur dal Tour de France a Berna è senza dubi la gastronomia. Bleras ustarias servan quels dis er in menu spezial en connex cun il Tour de France. La brassaria Chez Edy al Bärenplatz ha per exempel in menu da conchiglias, preschentà sin il taglier sco in velo.
RR actualitad 11:00
