Siglir tar il cuntegn

Header

Navigaziun

Las victuras dal sprint en Val Müstair.
Legenda: Las victuras dal sprint en Val Müstair: Sophie Caldwell, Stina Nilsson e Jessica Diggins (da sanester) RTR, Georg Luzzi
cuntegn

Naziunal/Internaziunal Tour de ski 2 – Stina Nilsson gudogna il sprint

Al sprint dal Tour de ski en Val Müstair èn tuttas trais passlunghistas svizras crudadas ora en il quartfinal. Gudagnà la cursa en Val Müstair ha Stina Nilsson, avant Sophie Caldwell e Jessica Diggins.

Podest

  • 1. Stina Nilsson da la Svezia 3:31:91
  • 2. Sophie Caldwell dals Stadis Unids + 2.27
  • 3. Jessica Diggins dals Stadis Unids + 2.27

Final senza las svizras

  • Nadine Fähndrich aveva cumenzà bain la cursa. Ella era ditg davos las favuritas da la Finlanda e la Norvegia sin plaz 3. Sin il traject da sprint croda Fähndrich dentant en la naiv e cuntanscha lura be il 5avel plaz.
  • Laurien Van der Graaff penda tar in'attatga sin Belorukova da la Russia e croda. Cuntinuescha dentant la cursa. Suenter ina curva cupitga ella cun Heidi Weng. Suenter quella cupitgada è la cursa per Van der Graaff definitiv a fin.
  • E Nathalie von Siebenthal na po betg tegnair il tempo da l'elita, ella è vegnida quarta en ses quartfinal.
Final dal Tour de ski senza las svizras.
Legenda: Final dal Tour de ski senza las svizras. RTR, Georg Luzzi

RR novitads 12:00