Siglir tar il cuntegn

Header

cuntegn

Naziunal/Internaziunal Tour de Ski cun Selina Gasparin

Al Tour de Ski da quest onn fa era part la biatleta grischuna Selina Gasparin. Ella parta surprendentamain a la cursa d'etappas che cumenza ils 30 da december a Lai. Swiss Ski ha nominà l'Engiadinaisa ensemen cun quatter ulteriuras passlunghistas e diesch passlunghists.

audio
Gasparin al Tour de Ski
ord Actualitad dals 20.12.2017.
laschar ir. Durada: 51 Secundas.

Selina Gasparin prenda part al Tour de Ski da quest onn. La biatleta era dentant gia avant quatter onns ida a la partenza a Tavau e tar ils 10 kilometers vegnidas 21avla ed era tar il campiunadi mundial a Val di Fiemme e ella stada a la partenza e là vegnida 31avla.

Cursa datiers da ses dachasa

Sa participar a las cursas datiers da ses dachasa a Lai saja ina gronda sfida, di Gasparin tenor ina communicaziun da Swiss Ski. L'occurrenza lubeschia ad ella dentant era da sa preparar a moda optimala sin las proximas cursas da la cuppa mundiala dal biatlon.

La biatleta Selina Gasparin vegn oriundamain dal passlung.

Fermativas dal Tour de Ski:

30.12.2017 fin 01.01.2018 Lai (Svizra)

01.01.2018 fin 04.01.18 Oberstdorf (Germania)

04.01.18 fin 07.01.2018 Val di Fiemme (Italia)

Per sonda, ils 30 da december ha Swiss Ski selecziunà las suandantas atletas ed ils suandants atlets:

Umens: Beda Klee, Candide Pralong, Curdin Perl, Dario Cologna, Gianluca Cologna, Jonas Baumann, Jovian Hediger, Roman Furger, Roman Schaad,

Toni Livers.

Dunnas: Nadine Fähndrich, Nathalie von Siebenthal, Laurien van der Graaff, Lydia Hiernickel, Selina Gasparin.

RR actualitad 17:00 +

Artitgels legids il pli savens