Siglir tar il cuntegn

Header

video
Tour de Ski: nagin success per Dario Cologna
Or da Telesguard dals 05.01.2016.
laschar ir
cuntegn

Naziunal/Internaziunal Tour de Ski – Dario Cologna fa in pass enavos

Suenter il sprint ad Oberstdorf augmenta il Norvegiais Martin Johnsrud Sundby levamain ses avantatg en il classament general dal Tour de Ski. Ses cumpatriot e grond concurrent Petter Northug vegn 5avel. Dario Cologna è vegnì 24avel.

Martin Johnsrud Sundby ha pudì augmentar levamain ses avantatg en il classament general. En il sprint classic daventa Johnsrud Sundby quart, avant ses grond concurrent e cumpatriot Petter Northug. Il Grischun Dario Cologna arriva fin il quart-final dal sprint, e daventa la finala 24avel. Victur da la cursa dad oz daventa in ulteriur Norvegiais, Emil Iversen.
Ils ulteriurs Svizzers: Jonas Baumann daventa 41avel, Curdin Perl 57avel e Toni Livers 66avel.

Ils Svizzers en il classament general

En il classament general è Dario Cologna cun in retard da 3'31'' sin plazza 9. Jonas Baumann è bunamain 6 minutas enavos sin plazza 26, e Curdin Perl sin plazza 33 e Toni Livers sin plazza 35 han in retard da var 7 minutas.

La Norvegia dominescha era tar las dunnas

Ed era la Norvegiaisa Ingvild Flugstad Östberg defenda sia posiziun a la testa. Ella maina uss var ina mesa minuta avant sia cumpatriota Therese Johaug.
En la cursa da sprint classic daventan Östberg e Johaug quarta e 5avla. Ina surpraisa è la victoria da l’Americana Sophie Caldwell, avant la Norvegiaisa Heidi Weng.

Artitgels legids il pli savens

Scrollar a sanestra Scrollar a dretga