Siglir tar il cuntegn

Header

video
Clà Filip Pitsch - L'um a la testa dal Tour de ski en Val Müstair
Or da Actualitad dals 31.12.2016.
laschar ir. Durada: 7 minutas 21 Secundas.
cuntegn

Naziunal/Internaziunal Tour de Ski en Val Müstair cun 3'500 fans il prim di

La pli impurtanta seria da la Cuppa mundiala da passlung ha cumenzà quest onn en Val Müstair. Radund 3500 persunas èn arrivadas en Val Müstair.

passlunghista durant la qualificaziun
Legenda: Il Tour de ski en Val Müstair ha cumenzà - qua ina curridura durant la qualificaziun RTR/David Spinnler

Il prim di dal Tour de ski en Val Müstair ha purtà radund 3'500 aspecaturas ed aspectaturs en Val Müstair. Quai è in pau pli pauc ch'ils organisaturs han spetgà.

Las cundiziuns da l'aura e da la pista dentant eran perfetgas. Uschia han ins puspè pudì udir vuschs en il tross internaziunal da passlung che dian, che la cursa en Val Müstair saja fitg pretensiusa pervia dal parcurs magari lung e pervia da l'autezza sur mar. Era l'organisaziun da l'event fitg grond per ina pitschna vallada vegn ludà dals atlets e da lur teams.

Ils fans che eran en Val Müstair han pudì giodair cursas plain tensiun e relaziuns agreablas cun temperaturas betg bler sut nulla. Ils organisaturs speran ussa che blers fans possian era arrivar per il segund di da cursa il prim da schaner.

I

placat
Legenda: Lieu da recreaziun per mammas o baps cun uffants pitschens. RTR/David Spinnler

Ils pli pitschens èn bainvegnids

Per sustegnair atletas cun uffants pitschens han ils organisaturs dal Tour de ski en Val Müstair creà l'offerta dad in baby room. Là pon sa recrear atletas cun uffants fitg pitschens. Sco per exempel l'atleta americana Kikkan Randall che è arrivada en Val Müstair cun ses pop dad 8 mais.

Baby Room
Legenda: Ils uffants pitschens dad atletas èn bainvegnids en Val Müstair RTR/David Spinnler
Baby Room
Legenda: Il bainvegni per ils uffants pitschens al Tour de ski RTR/David Spinnler

RR actualitad 12:00

Artitgels legids il pli savens