Siglir tar il cuntegn
cuntegn

Tour de ski Iversen gudogna cursa dira ad Oberstdorf

Il Norvegiais Emil Iversen vegn a fin il meglier cun las navaglias ad Oberstdorf e gudogna ils 15 kilometers en stil liber. Dario Cologna vegn sin plazza 23.

El en la navaglias.
Legenda: Il Norvegiais Emil Iversen gudogna l'etappa dira dad Oberstdorf. Keystone

L'aura ha pretendì la mesemna tut dals passlunghists ad Oberrstdorf. Durant tut la cursa sur 15 kilometers en stil liber haja dà navaglias. Il meglier ha savì ir enturn il Norvegiais Emil Iversen cun questas cundiziuns extremas: El gudogna la cursa avant il Talian Francesco de Fabiani ed il Russ Sergej Ustjugov.

Dario Cologna n'ha betg savì profitar da questas cundiziuns extremas da l'ura ed è daventà 23avel. Per in fitg bun resultat procura percunter il giuven svizzer Beda Klee: El sa ranghescha sin plazza 12.

En il classament general resta il Norvegiais Johannes Klaebo a la testa.

RR novitads 15:00