Siglir tar il cuntegn

Header

Purtret da Johaug che vegn tras l'arrivada.
Legenda: Therese Johaug ha gudagnà la 3. etappa dal Tour de ski. Freshfocus
cuntegn

Tour de ski Johaug gudogna er ils 10 km a Toblach

La Svizra Nadine Fähndrich ha pers temp en la 3. etappa dal Tour de ski a Toblach. La Lucernaisa è vegnida 53avla tar ils 10 kilometers skating. Il retard sin las meglras è stà passa duas minutas e mesa.

video
Fähndrich: «Sun gia avant la cursa betg ma sentida bain»
Or da Sport-Clip dals 31.12.2019.
laschar ir

«Jau suppon ina raschun da sanadad», ha ditg Fähndrich. «Gia il di avant na sun jau betg ma sentida fit». Cun questa prestaziun n'è Fähndrich betg stada la meglra svizra. Laurien van der Graaff è ida ferm sin la pista. A la da Tavau ha la finala mancà be ina secunda per vegnir en ils rangs da la cuppa mundiala. Ella è vegndia 32avla.

Fermas Norvegiaisas

La victoria dal di è ida sco usità a Therese Johaug. Dentant ha ella gì be 7 dieschavels secundas avantatg sin sia cumpatriota norvegiaisa Ingvild Flugstad Östberg. Sin plazza trais è arrivada cun 10 secundas retard la Svedaisa Ebba Andersson. La Russa Natalia Neprjajewa è vegnida sisavla ed ha stuì dar giu il tricot dal leader a Johaug.

RTR novitads 18:00

Artitgels legids il pli savens

Scrollar a sanestra Scrollar a dretga