La Norvegiaisa manchenta sco quarta il podest tar la cursa da 10 kilometers stil classic a Val di Fiemme. Motiv è tranter auter stà ina cupitgada, sco er problems cun il material. A la testa dal classament da la Tour de Ski resta Johaug percunter vinavant. Quai er pervia ch'ella è arrivada avant sias pli grondas concurrentas Ingvild Flugstad Östberg e Natalia Neprjajewa en l'arrivada. Östberg vegn dentant probabel a far bun damaun tar il sprint intginas plazzas.
Gudagnà la cursa sur 10 kilometers ha la Norvegiaisa Astrid Uhrenholdt Jacobsenm avant la Svedaisa Ebba Andersson e la tudestga Katharina Hennig. Suletta Svizra ch'è anc da la partida è Laurien van der Graaff. Ella ha cuntanschì il ferm 27avla plaz. Uss giaja dentant per ella da sa revegnir e sa focussar sin il sprint da damaun, uschia van der Graaff.
RTR novitads 14:00