Il Tour de Suisse 2020 va a fin dals 12 fin 14 da zercladur en la regiun Mustér/Sedrun ed Andermatt. Quai han ils organisaturs communitgà il venderdi. Previs è Sedrun sco lieu da destinaziun da l'etappa da venderdi. La sonda duai dar ina cursa cunter l'ura sin il Pass da l'Alpsu e la dumengia sco finiziun in'etappa sur ils pass Furka, Grimsel e Susten che finescha ad Andermatt.
Er quest onn stat il circuit da las Alps sin il program final dal Tour de Suisse che cuzza dals 15 fin 23 da zercladur. Dentant traversan ils ciclists ils pass en la successiun: Furca – Susten – Grimsel. Punct final dal gir 2019 è Ulrichen en il Vallais.
RR novitads 11:00