Siglir tar il cuntegn

Header

Navigaziun

Legenda: Tadlar il audio Egan Bernal defenda ses tricot da leader . Durada 03:21 minutas.
Or da Sportissimo dals 22.06.2019.
cuntegn

Tour de Suisse Bernal defenda tricot da leader

Egan Bernal parta sco leader en la davosa etappa dal Tour de Suisse. Il Columbian ha pudì defender ses tricot da leader en segunda davosa etappa, ina cursa encunter l’ura sur 19,2 kilometers ad Ulrichen en il chantun Vallais.

Egan Bernal è vegnì 11avel ed ha uschia avant l’etappa finala anc in avantatg da 22 secundas sin l’Australian Rohan Dennis ch’è vegnì 6avel en la cursa encunter l’ura. Gudagnà questa etappa ha Yves Lampaert. Il Beltg è stà 5 secundas pli svelt ch’il Danais Casper Asgreen.

Meglier svizzer è vegnì Stefan Küng. Il campiun svizzer en questa disciplina ha dentant pers 20 secundas sin il victur Yves Lampaert ed ha stuì sa cuntentar be cun il 7avel plaz. Sco gia tar l’emprima cursa encunter l’ura avant in’emna ha Küng pia stuì magunar ina terrada.

Da Goms sur trais pass enavos a Goms

La davosa etappa dal Tour de Suisse maina da Goms sur ils trais pass dal Nufenen, Gottard e Furca enavos a Goms, in’etappa sur radund 100 kilometers cun bun 3'000 meters differenza d’autezza.

RR novitads 18:00