Siglir tar il cuntegn

Naziunal/Internaziunal Traidubla victoria per dunnas talianas

Trais skiunzas talianas èn sin il podest da la cursa rapida a Bad Kleinkirchheim en l'Austria. Trais Svizras èn en las top 10.

Legende: Video La cursa da Sofia Goggia abspielen. Laufzeit 1:10 Minuten.
Dals 14.01.2018.

Sofia Goggia da l'Italia ha mussà ina cursa perfetga. Ella è ida cun il numer 5 e n'ha fatg nagins sbagls. Segunda è Federica Brignone. Cumplettà il podest ha la terza cumpatriota Nadia Fanchini.

Il podest

  • 1. Sofia Goggia (Italia) 1:04.00
  • 2. Federica Brignone (Italia) + 1.10
  • 3. Nadia Fanchini (Italia) + 1.45

Michelle Gisin è stada la sperta en il trenament. Cu igl è ì per la liongia n'ha ella dentant betg pudì tener cun la Taliana Goggia. La skiunza grischuna Jasmine Flury ha mussà ina prestaziun sensaziunala. Ella ha attatgà ed ha fatg ina buna cursa. Gisin e Flury èn omaduas sin il 6avel plaz.

Las Svizras

  • 6. Michelle Gisin + 1,85
  • 6. Jasmine Flury + 1,85
  • 10. Lara Gut + 2,13
  • 11. Corinne Suter + 2,20
  • 20. Priska Nufer + 2,57
  • Joana Hählen è crudada ora.

Las favuritas Weirather e Hütter

La skiunza dal Liechtenstein, Tina Weirather, ha giu in bun start. Pli tard ha ella dentant fatg intgins sbagls pitschens e pers temp. La finala è ella 5avla. Cornelia Hütter ha pers schlantsch tar in sbagl dal ski intern e vegn 13avla. Ellas duas eran sin il segund e sin il terz plaz dal classament da la cuppa mundiala da la cursa rapida. Mikaela Shiffrin che maina il classament n'è betg sa participada a la cursa.

RR novitads 14:00