Siglir tar il cuntegn

Header

cuntegn

Naziunal/Internaziunal Tranquillo Barnetta dat in chanaster al FC Son Gagl

Tranquillo Barnetta na mida betg tar il FC Son Gagl. Per il giugader da la naziunala svizra fiss in return enavos a chasa anc memia baud, ha Barnetta ditg al “St. Galler Tagblatt”. Il club da Son Gagl aveva offrì al giugader d’amez in contract da 2 onns.

Tranquillo Barnetta aveva lantschà sia carriera da ballape tar il FC Son Gagl. Sch’el restia fit, sche saja ses giavisch dentant era da terminar la carriera tar ses club da chasa, ha Barnetta menziunà. Nua che Tranquillo Barnetta dat la proxima stagiun, n’è anc betg cler, en dumonda vegnan 2 fin 3 clubs.

Pliras staziuns en la Bundesliga

Barnetta aveva bandunà Son Gagl avant 11 onns. Dapi lura ha el adina giugà en la Bundesliga, l’emprim per Bayer Leverkusen, pli tard per Hannover, Eintracht Frankfurt ed il davos per Schalke 04. Tar il club da Gelsenkirchen n’ha Barnetta betg pli prolungà ses contract, perquai è el ussa sin la tschertga d’in nov club.

RR Novitads 11:00

Artitgels legids il pli savens