Siglir tar il cuntegn

Header

Navigaziun

L'attatgader Breel Embolo.
Legenda: L'attatgader Breel Embolo. Keystone
cuntegn

Transfer Breel Embolo mida tar Mönchengladbach

Il giugader da ballape Breel Embolo mida entaifer la Bundesliga tudestga da Schalke 04 tar Borussia Mönchengladbach. Il Svizzer ha suttascrit in contract da quatter onns.

Embolo dat dapi il 2016 tar Schalke. Lura aveva il club da Gelsenkirchen pajà 26,5 milliuns euros a Basilea. Durant ses temp tar Schalke è l'attatgader dentant vegnì franà da blessuras. En 61 partidas per Schalke ha el sajettà 12 gols.

10 fin 17 milliuns

Uss paja Gladbach, tenor rapports da medias tudestgas, 10 milliuns euros per il transfer. Tras bonus pudess la summa crescher a fin 17 milliuns euros. Tar Gladbach dattan sper Embolo er trais ulteriurs Svizzers: Yann Sommer, Nico Elvedi e Michael Lang.

RR novitads 16:00