Siglir tar il cuntegn

Header

Gökhan Inler tar Napoli
Legenda: Gökhan Inler aveva midà il 2011 entaifer la Serie A d'Udinese Calcio tar Napoli. Keystone
cuntegn

Naziunal/Internaziunal Transfer dad Inler tar Schalke vegn pli e pli concret

Suenter quatter onns tar Napoli en l’Italia è il capitani da la naziunala Svizra, Gökhan Inler, curt avant ina midada en la Bundesliga. Tenor medias tudestgas duai Inler gia sa cunvegnì cun Schalke 04.

A Schalke duai Gökhan Inler survegnì in contract da trais onns. La summa da transfer muntia a 5 fin 6 milliuns euros.

La fin da la davosa stagiun a Napoli ha Gökhan Inler adina stuì sa cuntentar pli e pli fitg cun la rolla da reserva. Uschia è gia dapi in temp vegnì speculà ch’Inler midi club sin l’entschatta da la nova stagiun. Ussa èn ils dis a Napoli sco i para definitiv dumbrads.

Tut dependa dal poker cun Boateng

Per pudair engaschar il Svizzer Gökhan Inler sto Schalke l’emprim vender Kevin-Prince Boateng. La midada da Boateng en il Portugal tar Sporting Lissabon è dentant dada en l’aua damai ch’ils dus clubs n’èn betg sa cunvegnids. Ussa duai Boateng dentant star avant in transfer en la Tirchia.

RR novitads 14.00

Artitgels legids il pli savens

Scrollar a sanestra Scrollar a dretga