Siglir tar il cuntegn

Naziunal/Internaziunal Tribunal internaziunal da sport abolescha sancziuns cunter Russ

Il Tribunal internaziunal da sport (TAS) ha abolì las sancziuns encunter ina gronda part dals sportists russ.

TAS.
Legenda: En 28 cas ha il TAS decidì dad abolir la bloccada, 11 sportists russ restan dentant suspendids. Keystone

Il Tribunal internaziunal da sport (TAS) ha abolì las sancziuns encunter ina gronda part dals sportists russ ch’eran vegnids suspendids per vita duranta dals gieus olimpics.

Suenter il scandal da doping als gieus olimpics 2014 a Sotschi aveva il comité olimpic internaziunal IOC sclaus 43 sportistas e sportists da la Russia per vita duranta da gieus olimpics.

Aur per Hefti e Baumann

En 28 cas ha il tribunal da sport a Losanna uss abolì quellas sancziuns, in da quels è il campiun olimpic dals 50 km da passlung Alexander Legkov.

11 sportists restan suspendì, tranter quels il campiun olimpic da bob Alexander Subkov, quei vul dir che Beat Hefti ed Alexander Baumann ch'avevan gudagnà argient en il bob survegnan uss la medaglia d'aur.

RR novitads 10:00