Siglir tar il cuntegn

Header

Purtret da giugaders da hockey che sa legran e tegnan en l'aria la fista.
Legenda: Ils Canadais han la schanza da gudagnar il 16avel titel a la Cuppa Spengler - quai che fiss in record. Keystone
cuntegn

Trinec – Ambri 3:2 Trinec e Team Canada cumbattan per il titel

Trinec ha gudagnà il segund mezfinal da la Cuppa Spengler cunter Ambri-Piotta cun 3:2. Uschia fruntan ils tschecs da Silvester en il final dal turnier da tradiziun sin il Team Canada.

I ha mancà pauc ad Ambri-Piotta per far il pass el final tar la premiera a la Cuppa Spengler. La decisiun en favur da l'equipa tschecca è pir crudada en la prolungaziun. Ambri-Piotta avess gì las schanzas da gudagnar il gieu. Oravant tut en l'emprim terz han ils Tessinais persvadì sin l'entira lingia. Animads dal grondius public han ils giugadurs dad Ambri dominà l'emprim terz. Igl è stà in gieu quasi adina en ina direcziun. Il 1:0 suenter 20 minutas è stà ina memia pitschna pajaglia. Trinec è naven dal segund terz vegnì meglier en fieu ed n'ha la finala betg engulà la victoria.

Team Canada schanza sin il 16avel titel

En il final cunter il Team Canada èn ils Tschecs l'underdog. Ils Canadais han persvadì tochen enfin qua dad A-Z e festivà trais victorias da gala. Il Team Canada ha uschia la schanza da gudagnar ses 16avel titel al turnier. Cunquai fissan els il victur da record.

RTR novitads 23:00