Naziunal/Internaziunal - Tschagajew sto ir avant dretgira
Las inquisiziuns en connex cun il concurs dal club da ballape Neuchâtel Xamax èn terminadas. L'anteriur president dal club, Bulat Tschagajew, il vice-president Islam Satujew e duas ulteriuras persunas ston sa responsar avant dretgira.
Quai ha il procuratur public da Neuchâtel ditg a gasettas da Svizra franzosa.
Els ston quintar cun dus onns praschun u anc dapli. Bulat Tschagajew, in Tschetschen cun pass russ, era vegnì festivà il 2011 sco spendrader ed investider da Neuchâtel Xamax . Sut sia egida era il club da tradiziun dentant ì concurs ed aveva pers la licenza per la Super League. Latiers ha Tschagajew laschà enavos daivets da 30 milliuns francs.
