Naziunal/Internaziunal - Tuchel daventa successur da Klopp
Quai ch'è vegnì speculà il davos temp è uss definitiv. Thomas Tuchel daventa successur da Jürgen Klopp sco trenader dal club da ballape tudestg Borussia Dortmund.
Avant 4 dis aveva Klopp demissiunà anticipadamain. Sco che Dortmund ha communitgà, haja Tuchel suttascrit in contract per 3 onns. Per Tuchel è ses nov engaschi la pli gronda sfida da sia carriera. El duai manar enavos Borussia Dortmund a la testa da la Bundesliga.