Turitg en il mezfinal da la cuppa svizra

Il club da ballape da Turitg è en il mezfinal da la cuppa svizra. En il derbi cunter ils Grasshoppers ha il FCZ gudagnà cun 1:0 suenter prolungaziun.

Il giugader da l'FCZ, Franciso Rodriguez Bild in Lightbox öffnen.

Legenda da maletgs: Franciso Rodriguez ha sajettà il sulet gol en da la partida. Keystone

Il gol ha sajettà Francisco Rodriguez en la 96avla minuta.

Medemamain en il mezfinal è sco spetgà il FC Basilea che ha gudagnà ordaifer cunter il club d'emprima liga, Münsingen cun 6:1.

Il terz mezfinalist è il FC Sion che ha gudagnà a chasa cunter Aarau cun 2:1.

Il quart gieu, quel tranter Buochs e Son Gagl è vegnì stuschà sin ils 11 da mars.

En il mezfinal datti ils suandants gieus: FCZ cunter Sion ed il victur dal gieu tranter l'SC Buochs e Son Gagl dat cunter l'FC Basilea.

Il final è lura ils 7 da zercladur a Basilea.

RR novitads 23:00