Siglir tar il cuntegn

Header

cuntegn

Naziunal/Internaziunal Turnea da quatter schanzas – Kobayashi gudogna puspè

En la turnea da quatter schanzas gudogna il Giapunais Ryoyu Kobayashi la segunda giada – numnadamain la concurrenza tradiziunala da Bumaun a Garmisch-Partenkirchen. Quai rapporta l'agentura da novitads SDA.

Cun siglir sin 136,5 e sin 133 meters repeta il Giapunais Kobayashi ses success dal di da Silvester ad Oberstdorf en Germania. Sin ils plazs 2 e 3 vegnan surprendentamain il Tudestg Markus Eisenbichler e Dawid Kubacki da la Pologna.

Cun Simon Ammann e Killian Peier fan dus Svizzers puncts - els vegnan sin ils plazs 21 e 23. Omadus avevan trumpà en la qualificaziun ed en l'emprim percurs. Cun ils duels k.o. eran els dentant vegnids enavant sco lucky losers.

Suenter be in di da pausa continua la turnea sur las quatter schanzas cun la gievgia cun la concurrenza al Bergisel a Puntina / Innsbruck en Austria.

RR novitads 16:00

Artitgels legids il pli savens