Jil Teichmann ha cuntanschì il final dal turnier da WTA a Lexington. En il mezfinal ha la Svizra da 23 onns ha gudagnà encunter l'Americana Shelby Rogers cun 6:3 e 6:2.
Per Jil Teichmann èsi l'emprima giada ch'ella cuntanscha il final en in turnier nua ch'i vegn giugà sin ina plazza cun cuvrida dira. En quel frunta ella sin l'Americana Jennifer Brady ch'ha battì sia cumpatriota Cori Gauff.
Per Teichmann fissi il terz titel sin la tura da WTA.
