Siglir tar il cuntegn

Header

La giugadra da tennis Simona Waltert
Legenda: Keystone
cuntegn

Turnier WTA Losanna La Grischuna Simona Waltert surprendentamain en segunda runda

A Losanna procura la giugadra da tennis grischuna Simona Waltert per ina bella surpraisa. Ad ella gartegia il pass en la segunda runda dal turnier da tennis WTA, e là frunta ella en in duel svizzer sin Jil Teichmann.

La giuvna da 18 onns ha profità en il terz set ch'il numer in dal turnier la Tudestga Julia Görges, ha stuì dar si pervi da dolurs vid la chanvella. Fin lura manava Simona Waltert cun 6:7 (5:7), 6:4 e 3:2. En la rangaziun mundiala è la Grischuna il mument sin plaz 562.

En l'otgavelfinal datti in duel svizzer, Simona Waltert frunta sin Jil Teichmann. Quella ha gudagnà cunter Timea Bacsinszky suenter bunamain duas uras e mesa en trais sets, cun 6:2, 5:7 e 6:1. Teichmann aveva gia manchentà en il segund set ina balla da matsch.

Era per Stefanie Vögele è il turnier a Losanna gia a fin. La Svizra ha pers cunter la Rumena Mihaela Buzarnescu en trais sets cun 6:1, 1:6 e 0:6.

RR novitads 20:00