Siglir tar il cuntegn

Header

cuntegn

Naziunal/Internaziunal Tuts encunter Piranha Cuira

Nova stagiun, ma uschiglio resta tut tuttina. Piranha Cuira vala er en la stagiun 2018/2019 sco il grond favurit en il campiunadi d’unihockey da las dunnas.

Piranha Cuira dominescha dapi prest in decenni il sport d'unihockey en Svizra. Dals davos nov onns è Piranha daventà set giadas campiun svizzer. La stagiun passada ha l’equipa da Cuira schizunt gudagnà il double. Sper il titel da campiun er la Cuppa Svizra. Ed er la nova stagiun ha gia cumenzà cun in success. Dacurt ha Piranha gudagnà il Supercup encunter ils Kloten-Dietlikon Jets che vegnan er ad esser quest onn il grond rival da Piranha.

audio
Seraina Ulber: il success motivescha onn per onn da dar tut
ord Sportissimo dals 15.09.2018.
laschar ir. Durada: 5 minutas 22 Secundas.

Champions Cup sco punct culminant

Piranha Cuira vul dentant er far furora en questa stagiun sin plaun internaziunal. L’equipa che vegn trenada da nov da Daniel Darms frunta l’entschatta schaner 2019 en il mezfinal dal Champions Cup a Gävle sin il club svedais IKSU Innebandy, actualmain ina da las meglras adressas en il sport dad unihockey da las dunnas. IKSU è er il defensur dal titel.

Artitgels legids il pli savens