Siglir tar il cuntegn

Header

Il boxist Tyson Fury sin in placat ensemen cun Wladimir Klitschko.
Legenda: Per «motivs medicinals» ha Tyston Fury desditg il cumbat da revantscha cunter Klitschko. Keystone
cuntegn

Naziunal/Internaziunal Tyson Fury è vegnì traplà cun cocain

Il campiun mundial da boxar da pais maximal, Tyson Fury, è sco i para vegnì testà ils 22 da settember positiv sin cocain. Quai rapporta l'emettur da sport american ESPN.

Fury aveva desditg pir avant paucs dis il cumbat da revantscha cunter Wladimir Klitschko ch'avess gì dad esser ils 29 d’october ed argumentà quai cun problems medicinals.

Sco i para duai Fury era esser vegnì testà 9 mais avant ses emprim cumbat cunter Klitschko positiv sin Nandrolon.

Independentamain dal nov eclat, vegn Fury probabel a perder proximamain ses titel da campiun mundial.

RR novitads 21.00

SRF/sda/ec