Siglir tar il cuntegn

Bonjour e bonsoir la France Cristiano Ronaldo ed il Portugal cunter la pitschna Islanda

Igl è il grond duel tranter David e Goliat. Il duel tranter la pitschna equipa naziunala Islandaisa ed il grond Cristiano Ronaldo ed il Portugal.

ronaldo en posa da victur
Legenda: Sa quantas giadas che Cristiano Ronaldo po giubilar en il decurs da la Euro 2016... Keystone

Per la quarta giada en seria è Cristiano Ronaldo da la partida tar in champiunadi d'Europa. Dapi il final l’on 2004 spetga la naziunala portugaisa sin in ulteriur success.

En Frantscha duai quai finalmain gartegiar. Ronaldo vul il titel e Ronaldo vul batter il record da gols da Michel Platini. La marca da l’attatgader franzos è tar 9 gols.