Siglir tar il cuntegn

Header

cuntegn

Bonjour e bonsoir la France Il defensur cun ragischs lumnezianas

Entaifer be dus onns da la Promotion League en la Bundesliga ed en l’equipa naziunala. Nico Elvedi ha lantschà ina carriera sco ord il cudesch.

audio
Saira: Bonsoir France - Nico Elvedi
ord Actualitad dals 24.06.2016.
laschar ir. Durada: 2 minutas 29 Secundas.

Avant bun dus onns ha il giuven defensur da 19 onns dà ses emprim gieu en la Super League cun il FCZ. Dapi la stagiun 2014/2015 è Nico Elvedi da chasa tar il club da la Bundesliga, Borussia Mönchengladbach. Ses emprim gieu davent da l’entschatta cun Gladbach ha el giugà l’entschatta december 2015 encunter il campiun da record, il FC Bayern München. Borussia Mönchengladbach aveva gudagnà quest gieu cun 3:1. Cun Gladbach ha Elvedi er gia fufragnà l’aria da la Champions League.

Svelta carriera

Suenter avair giugà cun las equipas naziunalas svizras U17, U19 ed U21 è Nico Elvedi vegnì nominà curt avant il campiunadi d’Europa per la naziunala svizra dals gronds. En il gieu da test per l’Euro la fin matg a Genevra encunter la Belgia ha el dà sias emprimas minutas cun l’equipa da Vladimir Petkovic. Silsuenter è el er vegnì nominà per il campiunadi d’Europa en Frantscha nua che Elvedi è dentant sulet giugader da reserva.

Ragischs a Cumbel

Nico Elvedi è creschì si en il chantun Turitg. Ses emprim club da ballape è stà il FC Greifensee. Silsuenter ha el midà tar ils juniors dal FCZ. Sias ragischs ha il giuven da 19 onns dentant a Cumbel en la Val Lumnezia. Relaziun cun la Surselva ha Nico Elvedi dentant tant sco nagina.

RR actualitad 17:00

Artitgels legids il pli savens