Siglir tar il cuntegn
Inhalt

Bonjour e bonsoir la France Ils mezfinals stattan avant porta

Valisa encunter Portugal, e Germania encunter Frantscha. Quai èn las partidas da mezfinal tar quest champiunadi d’Europa. La gronda surpraisa tranter la gruppa dals megliers quatter è segir la Valisa.

in'equipa da ballape vid il trenament
Legenda: L'equipa da surpraisa da l'EURO 2016: la Valisa. Keystone

L’equipa cun Gareth Bale frunta en il mezfinal sin il Portugal e Cristiano Ronaldo. Bale e Ronaldo dattan tar la medema equipa, numnadamain Real Madrid.

En l’auter duel frunta il campiun mundial da la Germania cunter il patrun da chasa da la Frantscha. La Germania pudess gudagnar dus onns suenter il titel da campiun mundial er il titel dal campiun d’Europa. La Frantscha perencunter pudess gudagnar per la terza giada in grond turnier a chasa. Gia al campiunadi d’Europa l’onn 1984 e tar il campiunadi mundial l’onn 1998 è la Frantscha ida per la curuna da ballape.