Siglir tar il cuntegn

Bonjour e bonsoir la France L’euforia franzosa per l’Euro crescha mo plaun

Sche «les Bleus» na dattan betg, na vesa reporter Roman Dobler strusch fans u tricots da la squadra naziunala franzosa.

2 fans travestids da chicher gallic en il stadion da Saint-Denis.
Legenda: L'euforia per l’atgna squadra e per il champiunadi insumma è anc modesta en Frantscha. Keystone

L’emprima giada dapi 10 onns è il team dal grond Zinédine Zidane è la Frantscha puspè ina giada en il mezfinal dad in grond champiunadi. Grazia ad ina prestaziun suverana encunter l’Islanda s’ha la Frantscha qualifitgada per il mezfinal da l’Euro en il agen pajais. Là fruntan «les Bleus» sin la Germania.

Dentant - l’euforia per l’atgna squadra e per il champiunadi insumma è anc modesta en Frantscha. Sche la squadra naziunala na dat betg na ves'ins quasi ni fans da ballape a ni in tricot da la squadra naziunala a Paris. Ins vesa strusch in «libli» da ballape.

Pir dapi che la Frantscha ha fatg il pass tranter las meglras 4 equipas dal turnier è la sbrinzla da l’entusiassem planet rivada era tar ils fans. Quels spetgan uss sa chapescha che la Frantscha fa revantscha per la sconfitta d’avant duos onns en il quart final dal champiunadi mundial en Brasilia.