Adina puspè capiti ch’ina pitschna equipa batta ad ina gronda. E tuttina èsi mintga giada ina surpraisa. Sco quella da l’Islanda che trametta a chasa l’Engalterra: In pajais cun 150 giadas damain abitants che l’Engalterra nua che ils giugaders dattan tar Bodo/Glimt en Norvegia u tar Sundsvall en Svezia.
La victoria da l’Islanda n'è lura gnanc in zic engulada. L’equipa da l’insla ha giugà fitg bain ed intelligent – uschia ch’ella ha propi merità la victoria.
Emprima participaziun ad in grond turnier insumma
Per l’emprima giada entaifer ils 70 onns ch’i dat la naziunala islandaisa è quella sa qualifitgada per in grond turnier. Tar la premiera en Frantscha cuntinuescha l’equipa da persvader e tgi sa, forsa er l’autra dumengia encunter la Frantscha.
RR actualitad