Siglir tar il cuntegn
Inhalt

Bonjour e bonsoir la France La tensiun crescha - ils quartfinals cumenzan

Pologna encunter Portugal, Wales encunter Belgia, Germania encunter Italia e Frantscha encunter Islanda, quai èn las quatter partidas dals quartfinals al campiunadi d’Europa en Frantscha.

Robert Lewandowski il star da la Pologna.
Legenda: Robert Lewandowski cun la Pologna che ha bittà ora la Svizra frunta sin il Portugal. Keystone

Per il Portugal èsi in dir program

L’equipa portugaisa dal superstar Cristiano Ronaldo gioga uschia gia la 5avla partida entaifer 16 dis. Tuttina vala l’equipa dal Portugal sco favurita.

Belgia cun in gieu quasi da chasa

La partida encunter Wales gioga la Belgia en la citad da Lille il venderdi. Lille sa chatta gist al cunfin cun la Belgia uschia pon ins discurrer quasi d’in gieu a chasa per la Belgia.

Germania cunter Italia

La Germania spetga anc sin ina victoria encunter l’Italia. Anc mai ha la Germania gudagnà ina partida da k.o. encunter l’Italia tar in grond turnier.

Islanda il siemi po cuntinuar

Cuntinuescha il siemi da l’Islanda al campiunadi? Quai segir la dumonda. Cun la Frantscha spetga uss l’equipa indigena e puspè ina da las grondas equipas.

RR actualitad bunura