La Valisa – grazia a Gareth Bale en il quartfinal

Per l’emprima giada insumma è la Valisa sa qualifitgada per in champiunadi europeic, e per l’emprima giada è l’equipa en il quartfinal. Quai oravant tut grazia al superstar Gareth Bale. L’attatgader da Real Madrid ha quasi procurà sulet che la Valisa è vegnì uschè lunsch.

En il gieu cunter la Russia batta Gareth Bale il goli Igor Akinfejew. Bild in Lightbox öffnen.

Legenda da maletgs: En il gieu cunter la Russia batta Gareth Bale il goli Igor Akinfejew. Keystone

Sper tut l’euforia en connex cun l’Islanda è era la prestaziun da la Valisa impressiunanta. Entant che la “gronda” equipa da l’Engalterra ha gia stuì pachetar las valischs, e la Valisa anc adina da la partida en il turnier da l’Euro. Sco l’Islanda è era la Valisa ina da las pitschnas equipas dal quartfinal.

Il gieu encunter la Belgia stat sut ina buna staila. Encunter la Belgia ha la Valisa il dretg da chasa. Cun mo ina excepziun ha la Valisa gudagnà tut las partidas da chasa encunter la Belgia fin uss.

RR actualitad 17:00