Nagina pausa da demonstraziun a Paris

Gia dapi il mars demonstreschan students e lavurers en Frantscha cunter la refurma da la lescha da lavur. Tranter auter prevesa quella da flexibilisar il temp da lavur ed il temp da desditga.

Ils demonstrants èn sa rimnads sin la place de la Bastille. Bild in Lightbox öffnen.

Legenda da maletgs: Ils demonstrants èn sa rimnads sin la place de la Bastille. Keystone

Mardi han pliras millis persunas demonstrà a Paris cunter la refurma da la lescha da lavur. Plirs millis demonstrants han fatg il viadi da la Place de la Bastille 1,5 kilometers vers sid fin a la Place de l’Italie.

La polizia ed il militar èn stads preschents cun passa 1’000 persunas per garantir la segirezza dal til da demonstraziun. Gia l’avantmezdi aveva las autoritads serrà giu la via dal til. Era las staziuns da la metro eran serradas sin quest traject.

Tar la demonstraziun gronda a Paris n’hai betg dà incaps pli gronds. Ils sindicats en Frantscha han dentant annunzià da cuntinuar cun las demonstraziuns encunter la refurma planisada da la lescha da lavur.

RR actualitad bunura