Portugal en il mezfinal

L’equipa dal superstar Cristiano Ronaldo batta la Pologna en la lutga da penaltis cun 5:3 ed è uschia l’emprima equipa che sa qualifitgescha per la runda dals megliers quatter. Sco gia avant quatter onns è il Portugal en il mezfinal.

Giugaders dal Portugal suenter la victoria. Bild in Lightbox öffnen.

Legenda da maletgs: Suenter la victoria tras penaltis po l'equipa portugaisa giubilar. Keystone

Senza ina unica victoria en il temp regular da 90 minutas sa qualifitgescha il Portugal per il mezfinal. Il siemi da l’emprim grond titel en l’istorgia dal ballape portugaisa po uschia cuntinuar. Sch’il Portugal gudogna il proxim gieu alura stat l’equipa en il final. Sco l’onn 2004 tar il turnier en l’agen pajais nua che il giuven Cristiano Ronaldo e sia equipa han pers encunter la Grezia.

L’adversari da mezfinal dal Portugal vegn eruì venderdi saira en la partida tranter il Wales e la Belgia. La partida cumenza a las 21.00 uras a Lille.

RR actualitad 07:00