Siglir tar il cuntegn

Bonjour e bonsoir la France Valisa encunter Portugal u Bale encunter Ronaldo

Per ina pitschna naziun da ballape sco la Valisa èsi ina sensaziun da pudair cumbatter per ina plazza en il final dal campiunadi d’Europa. Anc mai è l’equipa da l’insla sa qualifitgada per ina Euro, ed uss po l’equipa dar per vegnir en il final.

purtret dals ballapedists Gareth Bale e Cristiano Ronaldo
Legenda: Gareth Bale versus Cristiano Ronaldo - questa saira èn els adversaris. Keystone/montascha RTR

La Valisa è propi l’equipa da surpraisa da quest campiunadi d’Europa.

Tut auter il Portugal. Cun mussar ina prestaziun minimala (l'equipa ha anc maina gudagnà tar quest turnier suenter il temp regular da 90 minutas) è l’equipa sa qualifitgada per il mezfinal. Vesì uschia ha il Portugal propi cuntansch il maximum. L’equipa vul dentant anc dapli. Dar sco l’onn 2004 en l'agen pajais puspè ina giada ina partida da final.

Valisa encunter Portugal è dentant era il duel tranter Gareth Bale e Cristiano Ronaldo. Omadus dattan en Spagna tar Real Madrid. Igl è ina dumonda plain tensiun tgi dad els che po festivar la qualificaziun per il final.