Uschia daventan ils Tudestgs emprim da questa gruppa, grazia ad ina meglra differenza da gols che la Pologna. L'adversari da la Germania en l'otgavelfinal n'è anc betg enconuschent. L'Irlanda dal Nord ha er anc ina pitschna schanza da cuntanscher ils otgavelfinals.
Trais ulteriuras squadras èn vinavant
E cun la sconfitta da l'Irlanda dal nord hai era grad dà ulteriuras decisiuns quai che pertutga ils otgavelfinals. Era da la partida en ils otgavelfinals èn la Slovachia, l'Ungaria e la Croazia, ils 4 puncts che quellas trais squadras han tanschan uss per la qualificaziun.
La Croazia procura per surpraisa
Cunter la Spagna vegnan ils Croats tar in 2:1, omaduas squadras eran gia sa qualifitgadas per ils otgavelfinals. Dentant daventa la Spagna cun la sconfitta mo segunda en il classament e survegn in ferm adversari en l'otgavelfinal, numnadamain l'Italia.
In segn da vita da la squadra tirca
En il segund gieu da la gruppa mantegn la Tirchia en la davosa minuta la schanza da sa qualifitgar per ils otgavelfinals, quai cun batter la Tschechia cun 2:0. Cun trais puncts è la schanza dentant plitost pitschna per ils Tircs.
RR novitads 20:00/23:00