Procurà per ils goals han Shkodran Mustafi en la 51avla minuta e Bastian Schweinsteiger a la fin dal gieu suenter il temp regular da 90 minutas.
La squadra da l'Ucraina ha gì numerusas schanzas encunter la Germania, n'ha dentant betg pudì metter enturn quellas en goals.
La Pologna dumogna l'Irlanda dal nord
La Pologna gudogna l'emprim gieu da la gruppa C encunter l'Irlanda dal nord cun 1:0. Procurà per il goal decisiv ha Arkadiusz Milik en la 51avla minuta. Malgrà numerusas schanzas n'èsi betg reussì a l'Irlanda dal nord da sajettar in goal.
La Croazia gudogna cunter la Tirchia
La Croazia gudogna il prim gieu da la gruppa D cunter la Tirchia cun 1:0. Curt avant pausa ha Luka Modric (41.) procurà per il gol da victoria. Fin ussa han ils Croats adina gudagnà sche Modric ha tutgà il gol. Il team cun Ivan Rakitic ch'è creschì si en l'Argovia ha dominà il concurrent ed ha manchentà numerusas schanzas. La Tirchia perencunter n'ha strusch pudì crear schanzas da gol.
Novitads RR 23.00