Sajettà ils goals per l'Italia han en la 32avla minuta Emanuele Giaccherini. A la fin dal gieu en la 92avla minuta Graziano Pellé. Da l'autra vart ha l'arbiter stuì reparter differentas cartas melnas durant il gieu.
L'Irlanda e la Svezia giogan in pari dad 1:1
A partir da la 48avla minuta era l'Irlanda en avantatg cun il gol tras Wes Hoolahan. Suenter han ils Svedais dà gas. Il gol d'egualisaziun en la 71avla minuta n'ha però betg in Svedais marcà, mabain l'Irlandais Ciaran Clark cun in autogol.
Spagna gudogna cun fadia ses emprim gieu cun 1:0
Il sulet gol dal gieu ha sajettà Gerard Piqué pir en l'87avla minuta. Per ils Tschechs vai en il proxim gieu cunter la Croazia gia per pudair restar en il turnier.
RR novitads 17:00+